“Temos que ter instrumentos e ferramentas para que a Xunta se converta nun verdadeiro goberno galego e non nunha xestoría ou delegación de Madrid”. Así o manifestou o candidato do BNG ao Parlamento Galego pola provincia de Pontevedra, Luís Bará, quen salientou que a formación nacionalista ten un proxecto claro e decidido para cambiar o rumbo de Galiza cunha base de experiencia, garantía de solvencia e seriedade, como xa ten demostrado alí onde goberna: concellos e deputacións. 

"A memoria histórica é unha cuestión de dereitos humanos... É unha cuestión de dereito a coñecer a verdade, porque o contrario do esquecemento non é a memoria, senón coñecer a verdade”. Así o manifestou hoxe en Caldas o cabeza de lista do BNG pola provincia de Pontevedra, Luís Bará, quen sinalou que “exercer a memoria é unha obriga ética e política principal que non pode ser adiada por outras cuestións que poden parecer máis urxentes ou incluso máis rendíbeis politicamente”.

O cabeza de lista do BNG pola provincia de Pontevedra, Luís Bará, asegurou a necesidade de apostar polos proxectos empresariais que trasladen ao mundo a idea dunha Galiza ambiciosa e innovadora, que mira para fóra porque quere chegar lonxe. Así o asegurou durante a visita á empresa Distribucións Arnoia, no polígono de A Reigosa, que  cualificou de “proxecto punteiro”, xa que está a levar libros dende Ponte Caldelas a máis de 40 países de todo o mundo grazas a unha valente visión empresarial e a unha aposta pola modernización e a innovación. 

Denunciar o mal estado e a perigosidade das estradas de titularidade autonómica, todas elas con falta de seguridade viaria e mantemento, con nulos investimentos e unha rede viaria deseñada en función do automóbil e presentar as propostas que defende o BNG para cambiar as prioridades, e desenvolver un novo modelo de mobilidade na rede de estradas, primando a seguranza viaria, a accesibilidade, e as formas amábeis de mobilidade, principalmente a peonil e ciclista.

Coa obra corrixiuse a grave situación de deterioro da ponte fomentando a mobilidade peonil na zona. Instalouse un novo taboleiro, creouse un paso independente para os viandantes, calmouse o tráfico, mellorouse a accesibilidade e rehabilitouse o sendeiro que comunica coa estrada de Vilagarcía.

Doce empresas, todas elas galegas, compiten polo proxecto de consolidación do núcleo de centralidade de Salcedo. As novas actuacións acometeranse ao redor do eixo formado pola Casa da Xunta de Montes, a Casa Verde (centro social), o parque infantil e a igrexa. Delas nove son da provincia de Pontevedra, dúas de Ourense e unha de A Coruña.

Vaise proceder á integración paisaxística e funcional deste equipamentos. Os traballos a desenvolver faranse cos parámetros de calidade urbana que se están a implantar en toda a cidade. Entre as actuacións previstas está a construción dun auditorio ao ar libre entre a Casa da Xunta de Montes e a Casa Verde, que terá cabida para máis de 700 persoas, se fose o caso. Estas actuacións teñen un orzamento global de 397.398,51 euros.

O proxecto, que ascende a case 400.000 euros, inclúe un auditorio aberto para máis de 700 persoas

O proxecto elaborado pola oficina de arquitectura municipal e que conta co apoio do movemento asociativo da zona contempla tamén retranquear o viario actual.

Ademais todo este ámbito complétase cun parque infantil e unha pista de petanca, xa instaladas pola comunidade de montes, e que se complementarán cun parque biosaudábel e unha pista de chave que pretende crear o Concello para completar este núcleo de centralidade parroquia que terá as características dunha zona plenamente urbana cos deseños e calidades urbanos, pero adaptados ao un núcleo rural como xa se realizou noutros ámbitos como en Cabaleiro, na parroquia de Campañó.

O candidato do BNG ás eleccións galegas destacou, diante de emprendedores de Poio, a necesidade dunha banca pública que dea facilidades e dunha fiscalidade que non asfixie ás novas empresas