BNG comarca de Pontevedra Miguel Anxo Fdez. Lores

Miguel Anxo Fdez. Lores
Novas
Miguel Fdez. Lores

O Concello resolve o contrato para a reforma da pasarela de Doce de Novembro e impulsa unha nova licitación por urxencia

14/maio/2026

Pontevedra, 14 de maio de 2026. A Xunta de Goberno Local aprobou hoxe a rescisión e liquidación do contrato coa empresa Oresa, adxudicataria das obras de acondicionamento da pasarela sobre o tren na rúa Doce de Novembro. Esta resolución realízase de mutuo acordo tras unha comunicación oficial da construtora solicitando a rescisión.

O alcalde de Pontevedra, Miguel Anxo Fernández Lores explicou que o Goberno local traballa xa para "volver a licitar intentando acortar ao máximo os prazos para a súa execución". A decisión de utilizar a vía de urxencia na nova contratación permitirá "que non se esgote o prazo do contrato e que non se esgoten os prazos das autorizacións, concretamente de ADIF".

A obra de reurbanización desta contorna segue a ser unha prioridade para o Goberno municipal. A actuación proxectada prevé transformar unha superficie de máis de 4.700 metros cadrados, xerando unha nova praza axardinada e conectando peonilmente a pasarela da rúa Doce de Novembro coa rúa Santa Teresa de Jesús Jornet mediante unha nova rampla.

Ler novas