Manuel Fariña

Fariña destaca que a xente inundou a explanada da Tafona e, malia as malas previsións meteorolóxicas, superáronse todas as expectativas, cun programa que conseguiu convocar a milleiros de espectadores nas actividades programadas, así como nas barracas e atraccións. O tenente de alcalde nacionalista non dubidou en sinalar que se trata “dunhas festas marabillosas”  que “xa están consolidadas e que contan con una grande aceptación por parte da veciñanza e do público”, moi especialmente e como xa era previsible a estrea da xira  da orquestra Panorama, “con ríos de xente entrando polos accesos”.

“A festa foi un revulsivo para Caldas”, dixo o concelleiro nacionalista, quen fixo fincapé especialmente no impacto que esta gran capacidade de afluencia de veciñanza e turistas tivo na actividade económica da vila, en particular en sectores como a hostalería.

“Acertamos coa programación”, asegurou, o que fixo posible que a festa funcionase incluso cando as previsións meteorolóxicas non eran favorables, o que permitiu desenvolver todos os espectáculos programados con un numeroso público en todas as actividades programadas.

Fariña destacou que a celebración o venres do ‘Kalidas Primavera Fest’ tivo, na súa segunda edición, unha moi boa aceptación, o que permitiu ampliar un día de festa, igual que tamén foi positiva a elección de Pepo Suevos e Alkar para a xornada do domingo, orientada a un público de máis idade e que logrou un máis que evidente éxito de público na xornada do domingo. Tamén sinalou como un acerto ter primado a seguridade na edición anterior, o que permitiu que este ano as barracas e atraccións volvesen á festa aceptando en todo momento as condicións impostas polo Plan de Autoprotección, destacando as inspeccións realizadas por parte dun equipo de enxeñería especializada.

Fariña subliñou que a pesar da gran concentración de público destacou a tranquilidade e a ausencia de incidentes e disturbios ao longo das festas no perímetro de seguridade do recinto. Agradeceu o seu labor á Policía Local e Protección Civil e salientou tamén o despregue do servizo de limpeza, que se empregou a fondo ao longo de todos os días da celebración, poñendo en marcha un dispositivo especial que permitiu ter o recinto en perfectas condicións durante os días de celebración da festa.

Para Manuel Fariña a organización das Festas da Primavera sigue a liña a marcada dende o comezo do mandato, primando a calidade das propostas para todos os públicos e a seguridade da veciñanza.

Caldas, 18 de marzo de 2025. O Concello de Caldas de Reis vai repetir a exitosa experiencia do ano pasado e vén de anunciar a celebración da segunda edición do seu festival de DJs ‘Kalidas Primavera Fest’ para o vindeiro venres 11 de abril. Trátase dunha iniciativa que aspira a ser, segundo o tenente de alcalde e responsable de Festas, Manuel Fariña, “máis grande e cunha programación aínda mellor que o ano pasado”. 

O responsable de Festas destaca que o ‘Kalidas’ será a antesala da Festa da Primavera e suporá unha xornada de música que contará coa participación de ‘pinchas’ de grande renome no panorama galego, estatal e internacional. O concelleiro anuncia que o cartel irase anunciando en próximas datas, mais sinala que estará á altura ou superará o da pasada edición, cando ‘pincharon’  Anthony Godfather, Groove Amigos, Mr. J ou Carlos López, que encheron de xente moza o aparcadoiro da Tafona.

 A intención de Fariña é que o ‘Kalidas’ se consolide como unha cita referente no calendario de festivais e festas galegas e atraia numeroso público, non só da vila termal, senón tamén dos concellos da comarca e doutras localidades. “Sabemos que un evento destas características ten un grande público, que está a medrar incluso nos festivais con escenarios propios facendo competencia aos concertos tradicionais, polo que decidimos apostar por unha explosión de talento que teña aínda un efecto chamada maior. Non quedará persoa á que lle gusten estas citas que non queira vir a Caldas”, subliña. 

Fariña fai fincapé en que, ademais, o Concello volve apostar por unha programación totalmente de balde para que toda a xente poida gozar da música sen restricións. Subliña que é un esforzo económico para as arcas municipais, pero salienta que as contrapartidas son maiores, xa que supón un revulsivo para a economía local. “Queremos que, como o ano pasado, Caldas volva ser un fervedoiro de xente”, insiste.

A Concellería de Festas xa traballa de maneira coordinada cos corpos da Policía Local e de Protección Civil para que a afluencia de público estea organizada grazas a un dispositivo especial de seguridade e de tráfico.