Educación

As nais e pais de 4º de Educación Infantil (alumnado de 3 anos) concentráronse esta mañá diante do CEIP Praza de Barcelos para solicitar a reposición da aula que foi eliminada pola Xunta de Galiza no medio dun contexto de pandemia, cando máis espazo se precisa para atender ás crianzas, e sen aportar ningunha explicación.

A filosofía dos camiños escolares e o calmado de tráfico estenderase en breve á contorna dos colexios do rural, tal e como confirmou o concelleiro coordinador do Rural, Demetrio Gòmez, ao presentar tres proxectos de calmado de tráfico e deseño de rutas de preferencia peonil para os CEIP San Bieito de Lérez, A Carballeira de Lourizán e San Martiño de Salcedo.

O obxectivo da iniciativa é facer da cidade un espazo seguro e amábel para uns cativos que teñen que formarse como persoas autónomas e respectuosas coa colectividade. 

Encantados de compartir espazo públicos coa comunidade escolar, satisfeitos pola celeridade do proceso e a colaboración interinstitucional e orgullosos de contar con nenos e nenas que foron quen de propor e pór en marcha unha iniciativa que supón de feito a transformación dunha praza, en horario lectivo, nun patio de recreo.

O BNG de Soutomaior volveu reivindicar no último pleno ordinario a necesidade de que Soutomaior conte cunha extensión da EOI para que os veciños poidan cursar estudos oficiais de idiomas no propio concello.