Pontevedra, 24 de outubro de 2024. O alcalde de Pontevedra, Miguel Anxo Fernández Lores, anunciou a aprobación da nova oferta de emprego público do Concello de Pontevedra correspondente ao ano 2024. En total, ofreceranse 26 de prazas, 12 delas de promoción interna, 1 de mobilidade e 13 de acceso libre. 

A relación completa é a seguinte: 

Escala de administración xeral 

• 1 Técnico/a A1 (1 de promoción interna) 
• 3 Técnico/as medio A2 (3 de promoción interna) 
• 6 Administrativos/as C1 (3 de acceso libre / 3 de promoción interna) 
• 5 auxiliares C2 (2 de acceso libre / 3 de promoción interna) 
• 2 Subalternos AP (2 de acceso libre)

Escala de administración especial

• 1 Técnico/a medio relacións laborais A1 (1 de acceso libre) 
• 1 Traballador/a social A2 (1 de acceso libre) 
• 1 Axente de Igualdade A2 (1 de acceso libre) 
• 1 Técnico/a Auxiliar de Proxectos C1 (1 de acceso libre) 
• 1 Policía C1 (Mobilidade) 
• 1 Oficial canteiro/a C2 (1 de promoción interna) 
• 1 Oficial condutor mecánico/a C2 (1 de promoción interna) 
• 2 Operario/a AP (2 de acceso libre)

Ademais, quedan reservadas 2 prazas para persoas con discapacidade, sendo estas de quenda libre e unha delas reservada para persoas con discapacidade intelectual.

Doutra banda, Fernández Lores sinalou que a taxa de cobertura temporal das prazas estruturais do Concello na actualidade é do 4,85 % para un total de 535 prazas dentro do cadro de persoal do Concello de Pontevedra. “Trátase dunha cifra realmente boa, pois a media desta taxa de temporalidade situase por riba do 20 % de media no conxunto das administracións do Estado”, comentou. “Somos unha administración pioneira ao baixar do 5 %”.