Pontevedra, 11 de decembro de 2025. O alcalde de Pontevedra, Miguel Anxo Fernández Lores, anunciou a concesión das subvencións destinadas ao desenvolvemento de actividades de iniciación deportiva durante a tempada 2025/26. 

O importe total das axudas para as tres categorías ascende a 190.335,19 euros. O alcalde indicou que se responderon todas as solicitudes presentadas, concedendose a subvención solicitada por todos os clubs. 

O groso da axuda céntrase no apartado das Escolas Deportivas, onde 33 entidades reciben subvencións. Estas 33 entidades agrupan un total de 2.222 inscritos. A axuda total concedida a estas 33 entidades é de 160.024 euros. O reparto económico para esta axuda divídese nun 25 % en 2025 e o 75 % no 2026. 

Ademais, concedéronse subvencións noutros dous apartados: 

• Escolas deportivas municipais de ANPAs nas parroquias: Seis entidades recibiron axuda, con 350 inscritos, sumando un total de 16.712 euros.
• Escolas deportivas para grupos especiais: Cinco entidades beneficiáronse con 13.599 euros. Entre estas entidades atópanse o Club Natación Galaico, Club Taekwondo Taekanart, Club Deportivo Xoan 23, Club Deportivo Méndez Núñez e Baloncesto Estudantes.