Pontevedra, 11 de febreiro de 2025. O Campionato Galego de Categorías Base de Piscina de Salvamento e Socorrismo celebrarse en Pontevedra entre os días 15 e 16 de febreiro no complexo deportivo Rias do Sur. 

Este campionato fai que Pontevedra acolla a preto de 400 deportistas, ao que se lle suma o equipo da organización —dirección técnica, comunicación, equipo arbitral, persoal de montaxe, etcétera— que estará composto por máis de 30 persoas. Ademais, por tratase de categorías deportivas de base, a afluencia de familias e público é habitualmente moi alta, polo que se espera que durante a fin de semana se concentren na piscina e os seus arredores máis de 800 persoas. 

Participarán un total de 13 clubs de toda Galiza, e cómpre destacar a participación feminina, que supera o 50 % dos inscritos/as e tamén o aumento de participación respecto ao mesmo campionato realizado no 2024.