Soutomaior, 23 de outubro de 2024. O alcalde de Soutomaior, Manu Lourenzo, mantivo unha reunión co director territorial na provincia de Pontevedra da Consellería de Vivenda e Planificación de Infraestruturas, José Manuel Gómez González, para abordar as diferentes necesidades das estradas da Xunta ao seu paso por Soutomaior e a situación das estradas mortas no concello (a da Ponte Colgante, a da Casa da Cultura de Soutomaior e a do Colexio Santiago Apóstol), e que servíu tamén para poñer sobre a mesa as posibles transferencias de estradas ao concello. 

Manu Lourenzo, indicou tras esta reunión, que esta se centrou sobre todo na situación da estrada 264, da Avenida Xosé Solla e Roxelio Landeiro, ao seu paso por Arcade. Neste sentido o alcalde agradeceu a franqueza e traballo realizado e instáronse, Concello e Xunta, a traballar nas posibles solucións e acordos que se poidan chegar en relación a esta estrada que atravesan o núcleo urbano de Arcade. 

Manu Lourenzo agradeceu “a boa acollida desta reunión, a franqueza das propostas e a boa disposición ao entendemento para traballar nas melloras para Arcade que se deben levar adiante en colaboración entre as diferentes administración. Agradezo a boa disposición ao traballo á Consellería e a partir de agora toca seguir o camiño para que os asuntos abordados nesta reunión poidan traer melloras nas infraestruturas de Soutomaior”.