Pontevedra, 9 de abril de 2025. O Concello de Pontevedra vén de conceder as subvencións ás ANPAs que desenvolven actividades no ámbito educativo ao longo do curso 2024-2025. 

As subvencións financiarán as actividades no ámbito da educación que promoven as ANPAs nos distintos centros educativos do Concello de Pontevedra, sostidos con fondos públicos, de primeiro ou segundo ciclo de Educación Infantil e Ensino Secundario Obrigatorio. A área de Educación, dirixida polo edil Demetrio Gómez, indica que se destinarán un total de 24.670 euros para estas axudas. 

Afondando na cuestión, foron presentadas 17 solicitudes distintas, de 15 centros de infantil e primaria (o 71 % dos centros totais do municipio, que son 21) e 2 de secundaria. Todas foron aceptadas. 

Aplicouse un baremo que ten en conta múltiples factores: cantidade de alumnado, participación do alumnado nas actividades, presenza pública das actividades, orixinalidade do proxecto, uso de linguaxe non sexista, fomento da igualdade de xénero, promoción da lingua galega, uso das TICs, integración do alumnado inmigrante, etcétera.