SÁBADO 22 ÁS 20H. TEATRO PRINCIPAL

Bota a andar II Ciclo de Butaca da Banda de Música de Pontevedra

Rolda Ciclo de Butaca BMS
Rolda Ciclo de Butaca BMS
Bota a andar II Ciclo de Butaca da Banda de Música de Pontevedra

Pontevedra, 19 de febreiro de 2025. O edil de Cultura Demetrio Gómez presentou acompañado do presidente da Banda de Música de Pontevedra, Víctor Manuel López e o subdirector da mesma, Nicolás Leiro o II Ciclo de Butaca da BMP, que contará como director titular a Rafael Agulló Albors. 

Demetrio salientou na súa intervención que “a programación cultural de Pontevedra sería imposible facela en ninguna outra cidade. Esta cidade ten un tecido cultural, asociativo, unha dinámica e unas gañas de facer cousas, de que a cidade funcione e sexa atractiva, que é difícil de atopar en moitas outras ciudades, xa non só de Galiza senón fóra das nosas fronteiras. Un exemplo absolutamente representativo disto e de altísima calidade é a Banda de Música de Pontevedra que é quen de desenvolver ao longo do ano un programa rico e atractivo”. 

“Para o Concello de Pontevedra é un orgullo colaborar coa BMP para que ser poidan desenvolver este tipo de programacións. Serán 5 actuacións entre o sábado 22 de febreiro e o 31 de maio no Teatro Principal e outros espazos, sempre con entrada de balde porque o obxectivo é que todas as pontevedresas e pontevedreses poidan disfrutar de música de moitísima calidade feita en Pontevedra”. 

Programa II Ciclo Butaca BMS
Programa II Ciclo Butaca BMS

Víctor López, quixo antes de debullar o programa, agradecer a Demetrio o apoio prestado. 

A ritmo de Marcha

Comeza o programa a ritmo de marcha, unha antoloxía dunha das formas musicais máis importantes de todos os tempos e poderemos escoitar entre outras, marchas da ópera Aída de Verdi, a Marcha Eslava de Tchaikovsky, ou a marcha da suite de variedades de Shostakovich.Será este sábado ás 20h, no Teatro Principal. 

Contos de cine

Continuará cun programa insertado dentro da programación do Salón do Libro, titulado ‘Contos de película’. Como este ano o Salón vai dedicado ao cine, será un concerto para toda a familia, onde se poderán escoitar bandas sonoras orixinais, de diferentes películas de animación baseadas en contos como ‘A Sereiña’, ‘A bela e a besta’ ou Harry Potter. Este concerto contará cun director convidado: Pedro Villarroel e será o domingo 16 de marzo no Teatro Principal. 

Música procesional

O seguinte programa, fará un percorrido polas marchas procesionais de todos os tempos, desde as clásicas de Ricardo Dourado ou Mariano San Miguel ata as máis vanguardistas de Óscar Navarro ou José Vélez entre outros. Será o domingo 30 de marzo ás 17h. na Igrexa de San Francisco. 

Folclores en clave de banda

O 26 de abril ás 20h. no Teatro principal terá lugar ‘Folclores en clave de banda’, un concerto no que se escoitarán os grandes compositores de música de banda dos últimos anos como Franco Cesarini, Van der Rost, etc. Todas as pezas collen a inspiración de diferentes folclores do noso planeta. 

De viaxe coa ópera

Rematará  este ciclo cunha escolma de algún dos momentos máis fermosos da lírica de autores como Korsakov, Bizet, Puccini, etc. Será o sábado 31 de maio ás 20h. no Teatro Principal”. 

Bota a andar II Ciclo de Butaca da Banda de Música de Pontevedra