Soutomaior non poderá utilizar o remanente ante a crise do Covid

Manu Lourenzo
Manu Lourenzo
Soutomaior non poderá utilizar o remanente ante a crise do Covid

Soutomaior, 29 de maio de 2020. O concello de Soutomaior non poderá empregar o remanente de Tesourería perante a crise económica e sanitaria motivada polo coronavirus. O pleno municipal aprobou un Plan económico e financieiro que impide ao goberno local empregar o remanente de tesourería para axudar a veciñanza de Soutomaior no momento que máis o precisa.

Esta situación prodúcese porque o goberno local do PP incumpriu no pasado ano 2019, ano no que tiveron lugar as eleccións municipais, tanto a regra de gasto como a regra de estabilidade orzamentaria. O incumprimento da lei por parte do goberno local por ser ano electoral, obriga ao Concello a elaborar un plan económico financieiro novo, que terá como principal consecuencia a prohibición de que o goberno local poida empregar o aforro dos veciños para afrontar a crise económica e sanitaria derivada do COVID.

O goberno do PP empregou o diñeiro dos veciños para facer a campaña electoral, e resulta que agora que os veciños o precisan máis ca nunca, non podemos botar man del porque o goberno do PP incumpriu a lei e antepuxo os seus intereses electorais á necesidades dos veciños 

Ante esta situación,o portavoz municipal do BNG Manu Lourenzo destacou que “Se alguén pensou que a irresponsabilidade do PP á hora de gastar os diñeiro dos veciños para facer a súa campaña electoral non ía ter consecuencias aquí ten a resposta. A irresponsabilidade do goberno local fai que nesta situación crítica non poidamos botar man dun remantente, que se ben mingua ano tras ano, nesta situación sería máis necesario ca nunca”.

Soutomaior non poderá utilizar o remanente ante a crise do Covid